ВИДЕО | Од болница на писта: Бела Хадид се појави на модна ревија во Париз
Бела Хадид се врати на модната писта за време на Неделата на модата во Париз, по неодамнешната хоспитализација поради Лајмска болест.
Препорачано
-
1
-
2
-
3
За оваа пригода, Хадид носеше портокалово палто со необичен крој од летната колекција на Сен Лоран за 2026 година.
View this post on Instagram
Својот моден изглед го надополни со големи златни обетки и очила за сонце. Косата ја собра во пунџа, ставајќи акцент на палтото.
Во уникатна атмосфера со Ајфеловата кула во позадина, Бела самоуверено одеше по пистата.
Нејзиното пристигнување на оваа модна ревија следеше по претходната хоспитализација кога нејзината здравствена состојба се влоши поради Лајмска болест.
View this post on Instagram
Нејзината мајка, Јоланда Хадид, претходно детално ги опиша страдањата низ кои поминува Бела за време на процесот на лекување.
„Ја гледам мојата Бела како се бори во тишина и тоа буди најголема безнадежност во мене. Невидливата попреченост на хроничната Лајмска болест е тешко да се објасни и разбере. Мојата болка не може да се спореди со тоа како страда моето бебе“, рече таа.
На Бела ѝ беше дијагностицирана Лајмска болест во 2012 година, како и на нејзината мајка и помладиот брат Анвар. Лајмската болест е предизвикана од бактеријата борелија, која се пренесува преку каснување од црноног крлеж, познат и како „еленски крлеж“. Во тешки случаи, болеста може да се прошири на нервниот систем.
ФОТО | Бела Хадид повторно заврши во болница: „Извинете што секогаш исчезнувам, ве сакам“
