Петтото коло од француското фудбалско првенство започна со убедлива победа на екипата на Ница која со неверојатни 8:0 беше подобра од Сент Етјен.

Посебно импресивни домаќините беа во првото полувреме во кое до 40. минута постигнаа шест гола.

Натпреварот беше отворен со автоголот на Батубинсика по само четири минути игра, веќе во седмата минута Ндомбеле стрелаше за 2:0. До крајот на првиот дел погодуваа уште Чо, Гесан и двапати Мукоко.

Со овие шест погодоци, Ница стана првиот француски тим кој постигнал шест гола за едно полувреме во француската Лига 1 во 21. век.

Во вторите 45 минути домаќините не нападнаа со сите сили и постигнаа само уште два гола преку Диоп и Росарио за 8:0.