Удинезе во претпоследниот натпревар од Серија А сезонава по само 30 минути игра водеше со 0:2 на гостувањето кај Салернитана.

На овој меч во редовите на клубот од Удине од првата минута стартуваше македонскиот репрезентативец Илија Несторовски.

Нашиот напаѓач во 30 минута по асистенцијата на Аргентинецот Перејра ја зголеми предноста.

Претходно првиот гол за гостите беше дело на Зеегелар во 25 минута, а асистент беше Ловриќ.

За Несторовски ова е втор погодок оваа сезона за Удинезе во најсилното италијанско првенство, првиот го имаше на 12 ноември минатата година во поразот од Наполи (3:2).