Вечерва во рамките од третото коло во најсилното италијанско првенство составот на Удинезе славеше на гостувањето кај Монца со 1:2.

Водеше домаќинот со голот на Колпани од 32 минута, а само четири минути подоцна израмни португалскиот интернационалец Бето (36`).

Од 68 минута во второто полувреме настапи Илија Несторовски како замена за Деулофеу и тренерот Сотил не згреши што му даде шанса на нашиот играч.

Во 78 минута Удинезе го постигна вториот гол, македонскиот напаѓач Илија Несторовски правовремено асистираше до Удоџи кој дојде како позајмица од Тотенхем.

После поразот од Милан и ремито со Салернитана, ова е прва победа за клубот од Удине во Серија А сезонава. Новиот меч играчите на Сотил ќе го имаат на 31 август на домашен терен против Фиорентина.