ВИДЕО: Нереди по железничката несреќа во Грција, полицијата со солзавец ги бркаше демонстрантите
Големи немири избувнаа вечерва на улиците на Атина, по големата трагедија која се случи рано утрово кај Лариса, каде во судир на два воза загинаа повеќе од 40 луѓе, а десетици се водат како исчезнати.
Стотици демонстранти излегоа на улиците на грчкиот главен град, гневни поради тоа што владата ја приватизираше железничката компанија „Хеленик Трејн“, под чија надлежност се товарните и патничките возови. Демонстрантите ја гаѓаа полицијата со камења и секакви предмети, а специјалците возвратија со солзавец.
Once again, the police attacked people walking on academias street. #Τεμπη #Τεμπη_Τραγωδια #Λαρισα #τρενα #τραυματιες #Antireport #Greece #greecetrain pic.twitter.com/I1U7CZw3iS
— Partizan Yunanistan (@partizanGreece1) March 1, 2023
Грчкиот министер за транспорт Костас Караманлис денеска соопшти дека поднесува оставка по синоќешната трагедија, јави државната јавна телевизија ЕРТ.
Свртничар на железничката станица во Лариса, според грчките медиуми, пред полицијата признал дека тој е виновен за страотната несреќа, бидејќи го испратил еден од возовите на погрешен колосек.