Бока јуниорс и Ривер одиграа 1:1 во неделното дерби во рамките од аргентинскиот шампионат, а еден момент од крајот на натпреварот ги натера многумина да поверуваат дека домашниот тим е спасен од духот на Диего Марадона.

На крајот од овој дуел, двата тима влегоа со по десет играчи и со нерешен резултат 1:1 откако головите ги постигнаа Себастијан Виља за предност на Бока и Агустин Палавечино за изедначување.

И тогаш, на самиот крај од играта, Ривер се најде во шанса и шут за победа.

Boca-River, 1-1, 89th minute. This happens… pic.twitter.com/7ZqHCRO6c1

— Sasha Goryunov (@Slasherrrr) March 14, 2021

Топката беше испратена од Енцо Перез и таа мина преку истрчаниот Естебан Андраде. Голманот на Бока беше совладан, а топката го продолжи летот кон празната мрежа.

Потоа падна пред линијата и наместо да влезе во голот отиде паралелно со неа. Андраде стана од тревата и не дозволи да биде затресена мрежата.

Навивачите на Бока, воодушевени од исходот на таа акција, веруваат дека помошта дојде од духот на неодамна починатиот Марадона кој ја започна и заврши кариерата во тој клуб.