Наполи во рамките од 11 коло во најсилното италијанско првенство на гостински терен ја совлада Рома со 0:1.

Прекрасен погодок реализираше нигерискиот интернационалец Виктор Осимхен во 80 минута после асистенцијата на Политано.

За „наполитанците“ од 57 минута настапи македонскиот репрезентативец Елиф Елмас како замена за Французинот Танги Ндомбеле.

На табелата во Серија А води составот на Лучано Спалети со 29 бодови, три повеќе од второпласираниот Милан.

Лацио кој славеше над Аталанта (0:2) е на третото место со 24 бодови, додека Рома е на петтата позиција со 22 бодови.