Деветгодишната Лама Абу Џамус почнала да го користи телефонот на мајка си за да снима видеа и да прикаже низ што минува во Газа, објавувајќи ги содржините на нејзиниот инстаграм-профил, кој сега има повеќе од 750.000 следбеници.

Откако Израел одговори на нападите на Хамас со офанзива во октомври, Лама и нејзиното семејство беа принудени да го напуштат својот дом поради честите воздушни напади. Моментално е во егзил на југот на Појасот Газа, пренесува „Си-ен-ен“.

 „Сакав јасно да му покажам на светот дека децата во Газа страдаат. Нема храна и вода. Немаме ништо“, вели малата новинарка која ги објавува своите репортажи на Инстаграм.

Лама ги посети и интервјуира ранетите деца, нејзините најблиски и го презентира искуството од престојот во училишните засолништа. Таа стана гласот на најранливите во Газа – децата, истакнува „Си-ен-ен“.

„Кога започна војната, знаевме дека има што да каже. Таа го грабна телефонот и почна да прави блогови за ситуацијата во Газа, бомбардирањето и преместувањето на луѓето“, изјави нејзиниот вујко Ахмад.

Инспирација на девојчето е нејзиниот татко, кој работи како новинар за медиумот „Ал Џезира“. Тој изјави дека е многу горд на неа.

„Ние страдаме во војната како и другите луѓе во Газа. Нејзината порака до светот е јасна – ве молам, престанете со војната и да се вратиме на нормалниот живот“, рече таткото на Лама.

Upoznajte devetogodišnju Lamu Abu Jamous, ambicioznu novinarku s velikim brojem pratilaca na društvenim mrežama, koja izvještava o ratu Izraela protiv Gaze.

Instagram@lama_jamous9 pic.twitter.com/2h9aMbhNMq

— Al Jazeera Balkans (@AJBalkans) January 26, 2024