Македонскиот репрезентативец продолжува со одличните настапи во дресот на МТК во најсилното унгарско фудбалско првенство…

Бојан Миовски во саботата во самиот финиш од натпреварот му донесе важен триумф на неговиот клуб против Мезоковешд (1:0).

Нашиот интернационалец кој го одигра целиот меч го постигна голот во 90 минута од средбата на стадионот во Будимпешта. Голот можете да го погледнете ТУКА

Екипата на МТК е на петтата позиција со 10 бодови, пет помалку од лидерот Кишварда кој има и меч помалку.

Миовски од досега седум запишани настапи во тамошниот шампионат има вкупно четири голови.

Моментно Македонецот е на делба на третата позиција на листата најдобри стрелци во Унгарија, пред него по пет погодоци имаат Адам и Сајбан од редовите на Пакси, и Лукиќ од Хонвед, додека лидер е Уграи од Дебрецен со шест голови.

Спировски со гол дебитираше за Мариупол