Во последниот натпревар оваа година во унгарското првенство МТК загуби на домашен терен со резултат 1:4 од екипата на Пакс.

За домаќините целиот меч во Будимпешта го одигра македонскиот репрезентативец Бојан Миовски кој воедно го постигна единствениот гол за поразениот тим.

Во 16 минута нашиот играч успеа да израмни на 1:1, а потоа гостите направија пресврт преку Шабо и Адам кои се запишаа по двапати во листата на стрелците.

За Миовски ова е седми гол досега сезонава во шампионатот во 16 настапи за МТК кој моментно е на претпоследното место на табелата со 15 бодови.

Следниот лигашки дуел МТК ќе го има на 29 јануари 2022 година на гостински терен против Мезокевешд-Жори. ГОЛОТ НА МИОВСКИ МОЖЕТЕ ДА ГО ПОГЛЕДНЕТЕ ТУКА