Играчите на Милвоки бакс го совладаа Денвер со 121:112 во НБА лигата и покрај трипл-дабл учинокот на играчот на Нагетс, Никола Јокиќ.

Одличната партија на српскиот кошаркар Јокиќ на гостувањето во Висконсин не беше крунисана со победа на Денвер, бидејќи ниту трикратниот МВП на најсилната лига во светот не можеше да ја надомести шутерската криза кај тимските колеги.

Јокиќ го забележа својот 27. трипл-дабл сезонава. За 38 минути на паркетот, тој постигна 32 поени, запиша 14 скокови и 10 асистенции.

Нагетс реализираа само девет тројки од 34 обиди, со слаба успешност од 26,5 проценти. Мајкл Портер Јуниор погоди 5/22 од тројки, Џамал ​​Мареј 9/20, Расел Вестбрук 4/13, а Арон Гордон 4/13.

Јанис Антетокунмпо го предводеше Милвоки до победата со 28 поени, 19 скокови и седум асистенции. Брук Лопез постигна 22 поени, Демијан Лилард 19, Кајл Кузма 16, Гери Трент 15, а Торен Принс 10 поени.

НБА лига, резултати:

Орландо – Голден стејт 115:121
Милвоки – Денвер 121:112
Далас – Шарлот 103:96
Феникс – Њу Орлеанс 116:124
Лос Анџелес лејкерс – Минесота 111:102