Иако есента штотуку започна, музичката дива Мараја Кери веќе е во полн ек со подготовките за празничната сезона. Пејачката, чиј хит „All I Want For Christmas Is You“ стана синоним за Божиќ, откри дека го планира своето традиционално видео „Време е“ (It’s Time), кое го користи секоја година за да го најави почетокот на најрадосниот период од годината.

За време на гостувањето во емисијата „Во живо со Кели и Марк“ во четвртокот, на 25 септември, Мараја го најави својот нов албум, првиот по 7 гоини пауза и сподели детали за претстојниот проект. Нејзиниот 16-ти студиски албум, „Here For It All“, беше издаден во петок (26 септември), пишува „Билборд“.

Таа потврди и дека повторно соработува со познатиот режисер Џозеф Кан. „Се подготвувам за „It’s Time“ и повторно работам со мојот пријател, Џозеф Кан“, рече таа.

@mariahcarey It’s…… TIME!!! 🎃🧊🎄 #MariahSZN ♬ original sound – Mariah Carey

Обожавателите ќе се сетат дека Кан неодамна го режираше нејзиниот летен спот за песната „Type Dangerous“, а тој е одговорен и за нејзините претходни дела како што се „Boy (I Need You), „Beautiful“ и поновата верзија на божиќната класика „All I Want for Christmas Is You (Make My Wish Come True Edition).

Покрај новиот видео запис, пејачката ќе ги воодушеви своите обожаватели и со враќање во Лас Вегас. Во текот на ноември и декември, таа ќе одржи серија концерти како дел од турнејата „Божиќ во Лас Вегас“ на Мараја Кери во салата „Долби Лајв“ во рамките на Парк МГМ.