Манекенката Ерика Л. Карингтон од Њу Џерси, претвори погреб во модна ревија „до небото“, кога одлучи да се прошета на импровизираната модна писта покрај отворениот ковчег на покојниот моден дизајнер Вернест Мур, пишува „Њујоркпост“.

Нејзината жестока прошетка по црвениот тепих и атрактивното позирање пред ковчегот на модниот дизајнер, на мелодијата „“You Are My Friend (B.O.P. Soul Classic Mix)“ – ги остави присутните шокирани, а виралното видео од церемонијата предизвика лавина негативни коментари на интернет. Но, другите креативци се восхитуваат на почитта на Карингтон кон нејзиниот пријател.

„Дали ова е погреб на модна ревија?; „Дали ова беше вистински погреб… сериозно, нели?“; „Ми падна вилицата кога го видов ковчегот“; Не бев подготвен за крајот“, се некои од коментарите.

Карингтон, која работеше како модел за покојниот Мур, се огласи да ја одбрани својата постапка со која вели дека му оддала почит на дизајнерот од Њу Џерси.

„Мислам дека го испративме Вернест онака како што тој би сакал, и тоа е навистина важно“, изјавила Карингтон.

Во снимката од 53 секунди објавена на инстаграм-профилот на Карингтон, се гледа како драматично се симнува по скалите, пред да се заврти и да позира за да го открие задниот дел од нејзината светкава вечерна тоалета и блескавата наметка на главата. Манекенката носеше сребрен фустан од колекција на Мур.

 „Не можам да верувам дека ова ќе биде мојата последна ревија за тебе! Иако не одам за тебе, ќе одам со тебе“, напишала таа под видеото.

Карингтон признава дека била нервозна што одела по пистата на свечениот настан, но верува дека нејзиниот пријател и соработник би сакаал да биде испратен на овој начин.

Инаку, семејството и пријателите го прославија животот на Вернест Мур, со три настани посветени на неговото наследство. Тој почина на 62 години на 22 октомври.

Во продолжение погледнете го видеото: