Фудбалерите на Манчестер јунајтед со големи 3:0 на гостински терен триумфираа во првиот натпревар од полуфиналето во Лига Европа против Атлетик Билбао.

„Црвените ѓаволи“ после ваквиот убедлив резултат се многу блиску до пласман во големото финале. Реваншот ќе се игра на „Олд Трафорд“ на 8 мај од 21.00 часот.

Касемиро во 30 минута донесе предност за Јунајтед, потоа Шпанците од 35 минута останаа со еден фудбалер помалку поради црвениот картон на Дани Вивиан.

Тимот на Рубен Аморим во 37 минута ја зголеми предноста од пенал кој го реализираше Бруно Фернандеш.

Фернандеш со својот втор гол на мечот го постави конечниот епилог во 45 минута.

Можно е да гледаме англиско финале во ЛЕ, Тотенхем пред своите навивачи со 3:1 го совлада Бодо/Глимт.

Веќе во првата минута Тотенхем имаше водство со погодокот на Бренан Џонсон. Потоа, во 34 минута за 2:0 стрелаше Џејмс Медисон, а во 61 минута прецизен од белата точка беше Доминик Соланке.

Норвежаните својот единствен гол кој може да им донесе надеж на реваншот го реализираа во 83 минута преку Улрик Салтнес.