Фудбалерите на Манчестер јунајтед го победија Нотингем форест со 3:0 во 16 коло од Премиер лигата. Тандемот Маркус Рашфорд – Ентони Марсијал на најдобар можен начин одговори на заминувањето на Кристијано Роналдо.

Рашфорд погоди во 19 минута, а потоа во 22-та асистираше до Марсијал за зголемување на предноста на 2:0.

Нотингем форест успеа да постигне гол по паузата, но ВАР сигнализираше офсајд позиција и голот на Боли беше поништен.

Конечните 3:0 ги направи резервниот играч на „црвените ѓаволи“, Фред, кој во 87 минута ја искористи одличната асистенција на Каземиро и го постави конечниот епилог.

Јунајтед сега скокна на петтата позиција со 29 бодови, приближувајќи се до Тотенхем кој вчера ремизираше со Брентфорд, па трката за Лигата на шампионите продолжува. Од друга страна, „шумарите“ останаа во зоната за испаѓање со 13 бода и ги очекува борба за опстанок.

ВИДЕО: Челси подобар од Борнмут на „Стемфорд бриџ“