Изминатата вечер се одиграа и последните два меча од плеј-инот во НБА лигата и сега се познати сите учесници во плеј-офот.

Победи забележаа домаќините Мајами и Њу Орлеанс и тоа без поголеми проблеми. Мајами беше подобар од Чикаго со 112:91, а победата тимот на Флорида ја најави уште во воведниот период кога имаше серија 26:2 и поведе со 32:13. Чикаго во третата четвртина успеа да се доближи на седум негатива, но тоа беше се од нив на овој натпревар.

Тајлер Хиро со 24 постигнати поени, 10 скока и 9 асистенции беше најефикасниот, меѓутоа важна улога имаше и Кевин Лав кој средбата ја заврши со 16 поени за само 12 минути на паркетот. Дерозан одигра исто така солиден меч со 22 поени.

Њу Орлеанс со 105:98 беше подобар од Сакраменто. Кингси имаа контрола над играта до средината на последната четвртина, а тука започна доминацијата на домашниот тим. Пред крајот на паузата Пеликанс имаа +13, а во последниот период водеа и со 20 поени разлика.

Во финишот Сакраменто успеа да намали и да се избори за достоен пораз. Треба да се каже дека до победата Њу Орлеанс дојде без повредениот Зајон Вилијамсон, а се истакна Инграм со 24 поени и Валанчиунас со 19 поени и 12 скока. Диерон Фокс на спротивната страна уфрли 35 поени, но тие не беа доволни за позитивен резултат на Кингс.