Фудбалерите на Ливерпул го совладаа денеска на домашен терен составот на Астон Вила со 3:0, во натпреварот од четвртото коло во Премиер лигата.

Домаќините на „Енфилд“ поведоа со голот на Доминик Шобошлаи во третата минута, а предноста ја зголемија во 22 минута кога гостинскиот играч Мети Кеш си постигна автогол.

Конечниот резултат на мечот го постави Египќанецот Мохамед Салах во 55 минута.

„Црвените“ сега имаат 10 бодови на третото место на табелата, а Астон Вила шест бодови на 11 позиција.

Се одигра уште еден дуел во кој имаше пет голови, Кристал палас пред своите навивачи со 3:2 триумфираше над Вулверхемптон.