Лошата форма на Манчестер Јунајтед продолжи и со натпреварите од англискиот Лига Куп од каде што „црвените ѓаволи“ доживеаа елиминација од Њукасл кој беше подобар со 0:3.

Њукасл на „Олд Трафорд“ истрча без главните фудбалери како Александер Исак, Харви Барнс, Свен Ботман, Ник Поуп, Гимараеш, Вилсон, Брн, Трипие, суспендираниот Тонали…но и во таква ситуација го победи Јунајтед.

Имаше и Јунајтед до некаде комбиниран состав, но не покажа премногу. Њукасл релативно брзо стигна до водство, Ливерменто го отвори резултатот по 28 минути игра. Осум минути подоцна во листата на стрелци се запиша и Луис Хал.

Тен Хаг во вториот дел во игра ги внесе Амрабат и Ван Бисака обидувајќи се да промени нешто, но не му успеа. Џо Вилок го постигна и третиот гол за убедлив пораз на избраниците на Тен Хаг.

Елиминација доживеа и Арсенал кој очигледно не го интересираат премногу куповите. „Топџиите“, Лига Купот не го освоиле од 1993 година, додека вечерва ги елиминираше Вест Хем.

Ливерпул со 1:2 беше подобар од Бормут, Челси на свој терен ја оправда фаворитската улога против Блекбурн, Фулам на гости не дозволи изненадување против Ипсвич, додека Евертон во уште една премиерлигашка пресметка го елиминираше Барнли.