Мариса Мејси сака да ги посетува продавниците за половни работи во Охајо, каде што наоѓа интересни предмети по исклучително поволни цени. Сега во видео на Тикток таа се пофали дека имала неверојатна среќа при празарењето.

Мариса неодамна купила рамка со уметничка слика за само 3 долари, не сфаќајќи какво изненадување ја чека. По купувањето забележала плочка на рамката што укажала дека сликата е на данско-американскиот импресионистички сликар Јохан Бертелсен.

„Решив да истражам малку подлабоко и сфатив дека сликата е купена од галерија во Сент Луис во 1912 година“, објаснила таа.

Не долго потоа, Мариса и нејзиниот сопруг посетиле уметничка галерија во Синсинати, каде експертите ја процениле вредноста на сликата, пренесува „Метро“.

„Ни рекоа дека вреди меѓу 3.000 и 5.000 долари“, рекла воодушевената жена.

Таа подоцна ја ставила сликата на аукција и ги известила своите следбеници на Тикток дека е продадена за 30 секунди!

„Наддавањето беше многу сериозно и брзо. Сликата е продадена за 2.300 долари. Бидејќи аукциската куќа го презеде својот процент, ни останаа 2.000 долари“, открила Мариса.

На крајот, таа рече дека има „скриени скапоцени камења“ во продавниците за половни работи кои чекаат да бидат откриени.

@marisamacy My most insane thrift find ever!! #thrift #thrifted #artcollector #art #fineart #thriftedhome #thriftedhomedecor #homedecor #secondhand #interiordesign #artistsoftiktok #art #cincinnati #thrifthaul #insanethriftfinds #thriftfinds #fyp #painting #thriftedpainting #paint #johannberthelsen #auction #cazasikes #artgallery #thriftflip #thriftshop #thrifting #thrifttok #thriftwithme ♬ congratulations by mac miller – Hannah?