Холандија и Франција вчера го одиграа првиот натпревар без голови на Европското првенство, а на овој дуел видовме и една спорна одлука на ВАР.

„Лалињата“ ја погодија мрежата преку Чави Симонс, но судиите по долгата проверка која траеше скоро три минути одлучија голот да не биде признат.

Селекторот на Холандија, Роналд Куман смета дека неговиот е оштетен во таа ситуација.

„Да, Дамфрис е во офсајд позиција, тоа е точно. Но тој не му пречи на голманот, и кога не го блокирате голманот, голот е легален. Ако му требаат 5 минути на судијата… Чим има толку многу сомнежи, голот мора да биде признаен!“, изјави Куман.

Холандскиот селектор е убеден дека Дамфрис не му пречел на голманот и уште еднаш го повтори тоа пред новинарите.

„Ќе повторам, сметам дека Дамфрис не му пречеше на голманот. Мењан не реагираше поради тоа што Дамфрис го блокираше, не реагираше бидејќи едноставно не можеше да стигне до топката. Немаше шанси да стигне до топката“, истакна Куман.

Холандија и Франција го одиграа првиот натпревар без голови на Европското првенство