ВИДЕО | Кливленд ја оствари најубедливата вкупна победа во историјата на НБА плејофот
Кошаркарите на Кливленд се пласираа во втората рунда од плејофот на Источната конференција. Кавалирс на импресивен начин со победа од 138:83 над Мајами, за конечни 4:0 во серијата за најубедливата вкупна победа во историјата на плејофот во НБА лигата.
Препорачано
Предводени од Донован Мичел, кој постигна 22 поени, и ДеАндре Хантер со 19, Кавалирс доминираа во Мајами од почетокот до крајот. Во еден момент, предноста беше дури 60 поени – 138:78, а на крајот победија со 55 поени разлика, што е четврта најголема победа во историјата на плејофот.
Вкупната разлика во серијата е рекордни 122 поени, надминувајќи го претходниот рекорд на Денвер од 2009 година против Њу Орлеанс. Тогаш, Нагетси ја добија серијата со 4:1 и имаа 121 поен повеќе од Хорнетс.
Најефикасен играч во редовите на Хитс беше српскиот репрезентативец Никола Јовиќ со 24 поени, пет скокови и две асистенции, додека Бам Адебајо и Ендру Вигинс додадоа 13, односно 12 поени.
Кавалирс ќе игра против подобриот од пресметката меѓу Индијана и Милвоки во полуфиналето на Источната конференција. Пејсерси моментално водат во серијата со 3:1, а без оглед на исходот, првиот натпревар од следната рунда ќе се игра најрано во сабота во Кливленд.
