фото: EPA-EFE/CJ GUNTHER

ВИДЕО | Кливленд е четвртиот тим во историјата на НБА со 15:0 старт на сезоната

Кошаркарите на Кливленд го совладаа Шарлот со 128:114 (38:28, 34:31, 30:40, 26:15) и стигнаа до 15 победа по ред сезонава. Кливленд и понатаму е единствениот непоразен тим во НБА лигата.

Кавалирс се четврти тим во историјата на НБА со 15:0 старт на сезоната. Ваков учинок претходно остварија Голден стејт (2016), Хјустон (1994) и Вашингтон (1949). Рекордот го држи Голден стејт со серија од 24:0 во 2016 година во сезона во која имаа 73 победи и девет порази.

Кливленд до триумфот над Шарлот стигна без првата ѕвезда Донован Мичел, но тоа не влијаеше на играта и на резултатот. Кај домаќините најефикасен беше Дариус Гарланд со 25 поени, еден помалку постигна Тај Џером. Одличен беше и Иван Мобли со 23 поени и 11 скока, а Џерет Елен забележа дабл-дабл – 21 поен и 15 скока.

Кај Хорнетс најдобар беше Ламело Бол (31 поен и 12 асистенции). Серијата на Кливленд ќе биде ставена на тест во следниот натпревар. Во среда (01.00 часот) Кавалирс го пречекуваат актуелниот шампион, Бостон.

НБА лига, резултати

Кливленд – Шарлот 128:114
Мемфис – Денвер 105:90
Портланд – Атланта 114:110
Вашингтон – Детроит 104:124
Чикаго – Хјустон 107:143
Њујорк – Бруклин 114:107
Оклахома – Далас 119:121
ЛА Клиперс – Јута 116:105

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот