Кошаркарите на Лос Анџелес клиперс на гости ја совладаа екипата на Јута со конечен резултат 120:116 (108:108) по едно одиграно продолжение.

Најефикасен кај Клиперси беше Норман Пауел со 41 поен, додека Џејмс Харден запиша 32 поени, 10 скока и седум асистенции.

Најдобри играчи на Џез беа Кајл Филиповски со 20 поени и 10 скока и Лаури Марканен со 20 поени и шест скока.

Далас триумфираше над Мајами со 118:113 за вкупно 30 победа сезонава.

Во отсуство на повредениот Ентони Дејвис, Данте Ексум го предводеше Далас до победата. Мечот го заврши со 27 поени и четири асистенции.

Кај Хит не помогна ниту исклучително расположениот Тајлер Хиро, кој постигна 40 поени и имаше осум скокови.

НБА лига, резултати: Хјустон – Голден стејт 98:105, Њу Орлеанс – Сакраменто 140:133, Далас – Мајами 118:113, Минесота – Оклахома 116:101, Јута – Лос Анџелес клиперс 116:120.