Најдобриот тенисер на светот Новак Ѓоковиќ се пласираше во финалето на Мастерс турнирот во Рим, откако вечерва во полуфиналната средба го совлада Лоренцо Сонего со 6:3, 6:7 (5) и 6:2.

Во големото финале српскиот ас и актуелен шампион в недела ќе ги одмери силите против Шпанецот Рафаел Надал кој пак беше подобар од Американецот Рајли Опелка.

За Ѓоковиќ и Сонего ова беше втор меч во текот на денешниот ден, претходно триумфираа во своите четвртфинални мечеви кои од вчерашниот распоред поради дождот беа поместени за в сабота.

Во денешниот дуел Ѓоковиќ водеше со 1:0 во сетови и во вториот успеа да направи брејк при резултат 5:5. Следуваше гем во кој на свој сервис Ноле требаше да го заврши мечот во своја корист, но Италијанецот не се предаваше.

GLADIATOR.

Hours after beating Tsitsipas, @DjokerNole outlasts Sonego 6-3 6-7(5) 6-2 in an amazing battle to reach his 11th Rome final ?#IBI21 pic.twitter.com/IBSxgC2AvU

— Tennis TV (@TennisTV) May 15, 2021

При 40:30 и меч топка за Србинот, Сонего успеа да го продолжи гемот, да спаси уште една меч топка која ја имаше Ѓоковиќ. Следуваше уште една, па втора брејк шанса и Сонего во последен момент тоа го искористи.

Во тај-брејкот Сонего беше подобар со 7:5, а во решавачкиот трет сет искуството си го направи своето, Ѓоковиќ го освои со убедливи 6:2 за поставување на конечниот епилог.