Деведесет и двегодишната Ли од централната кинеска покраина Хунан прави 200 склекови и 100 стомачни секој ден за да го одржи своето здравје, пишува „Саут Чајна морнинг пост“.

Таа се најде во центарот на вниманието откако сподели совети за долговечност на Фестивалот за медицина на етничките малцинства Јао во автономниот округ Џијангхуа Јао во централната покраина Хунан на почетокот на јуни.

Кинеските новинари ја посетија оваа жена, а таа направи 100 стомачни на креветот и 200 склекови на подот на нивно барање.

Жената „вешто го врти хулахопот“, а нејзиното здравје се подобрило благодарение на вежбањето.

„Моите склекови можеби не се на ниво, но се обидувам да правам 200 склекови секој ден“, рекла таа.

Додаде дека обично вежба дома бидејќи често врне дожд и не ѝ е погодно да учествува во активности на отворено. Исто така, откри дека секоја вечер ги мие нозете во топла вода.

„Порано имав грчеви во нозете, но откако почнав да ги користам купките за нозе, тоа повеќе не се случуваше“, рекла Ли.

Инаку, по дипломирањето на Универзитетот Чангша во Хунан во 1959 година, таа работела како воспитувачка во градинка со децении.

„Сакам да ги правам оние движења што децата обично ги прават“, изјавила таа.

Во Кина е вообичаено постарите луѓе да спортуваат. На улиците на кинеските градови можете да ги видите како вежбаат таи чи, а навечер учествуваат во улично танцување и активно користат јавна опрема за вежбање на спортските терени.