Кошаркарот на Феникс, Кевин Дурент, влезе во историјата на НБА лигата и стана само деветтиот играч со 30.000 поени во најсилната лига на светот.

На играчот на Санс му беа потребни 26 поени за да стигне до оваа граница, а на натпреварот против Мемфис постигна 34.

Дурент не успеа да го спаси својот тим од пораз од 119:112 и Санс, со пет порази во шест натпревари, сега се надвор од местата кои водат во плеј-ин.

Дурент моментно се наоѓа на осмото место на вечната листа на стрелци. Пред него се Леброн Џејмс со 41.623 поени, Карим Абдул-Џабар, Карл Мелоун, Коби Брајант, Мајкл Џордан, Дирк Новицки и Вилт Чембрлен.

Од сите нив, само Џордан и Чембрлен го постигнаа овој подвиг за пократко време од Дурент.