Целиот регион жали за новосадскиот кантавтор и поет Ѓорѓе Балашевиќ, се палат свеќи на улиците и се пее во негова чест, а многумина се збогуваат со него на социјалните мрежи.

Една од најтрогателните е секако објавата на неговата ќерка Јована Балашевиќ попозната како Лола Балашевиќ. Таа се огласина својот инстаграм-профил по повод смртта на нејзиниот татко.

„Мислев вечерва ќе можам да се искрадам. Колку прекрасен ден! Секое лице што го гледам е едно сеќавање. Можеби сеќавањето не е соврешно. Понекогаш имам подеми и падови. Но сите сме заедно, а вечерва сте мои. Ќе го прекршам обичајот и ќе кажам што си посакав додека ја гасев свеќата: Да ви биде животот среќан како што беше мојот. Да се разбудите едно утро и да кажете: Не сакам ништо повеќе…“, Јована ја сподели неговата последна роденденска желба.

„67 години. Зарем не поминаа во еден момент? Те сакам тато, ти ми го даде најубавиот можен живот, се гледаме во дворот“, додаде ќерката на Балашевиќ во описот на семејното видео кое го сподели.

 

View this post on Instagram

 

A post shared by Jovana Balasevic (@lolabalasevic)

На видеото Ѓорѓе и Оливера уживаат со своите внуци на прославата на неговиот роденден, во нивниот семеен двор во Нови Сад.

Балашевиќ им ги посвети некои од најубавите песни на своите деца. Јована, која Балашевиќи ја викаат Лола, го инспирирала својот татко за песната „Олелоле“, но и за некои стихови во песната „Михољско лето“ која ја напишал набљудувајќи ја својата миленичка, денес успешна актерка, од терасата на едно кафуле во Нови Сад на нејзинио прв состанок. Инаку, Јована Балашевиќ денес е омажена за црногорскиот политичар Александар Јовановиќ, со кого има две ќерки.