Принцезата Кејт Мидлтон сподели нови информации за нејзиното здравје, шест месеци откако откри дека ѝ бил дијагностициран рак по рутинска операција на абдоменот.

Имено, таа во најновата објава на јавноста ѝ откри дека го завршила третманот со хемотерапија. Оваа објава е нејзиното најлично семејно видео досега, на кое се гледа како го поминувала приватно времето со принцот Вилијам и нејзините деца.

Неверојатно искреното и интимно видео ги прикажува принцезата, принцот Вилијам, принцот Џорџ, принцезата Шарлот и принцот Луис како поминуваат време заедно во Норфолк со порака што ја пренесува Кејт.

„Како што летото завршува, не можам да ви кажам какво олеснување е што конечно го завршив мојот третман со хемотерапија. Последните девет месеци беа неверојатно тешки за нас како семејство. Животот како што знаете може да се смени за миг и моравме да најдеме начин да се движиме по бурните води и непознатиот пат“, пишува таа покрај видеото.

Во март, принцезата потврди дека по операцијата на абдоменот биле пронајдени предканцерозни клетки и дека ќе мора да помине курс на превентивна хемотерапија.

Искрено говорејќи за влијанието на болеста што го има врз неа и семејството, таа вели: „Овој пат пред сè, нè потсети мене и Вилијам да размислуваме и да бидеме благодарни за едноставните, но важни работи во животот, кои многумина од нас често ги земаат здраво за готово. Едноставно да сакаш и да бидеш сакан…“.

„Мојот фокус сега е да правам се што можам за да останам без рак. Иако завршив со хемотерапија, мојот пат до заздравување и целосно закрепнување е долг и морам да продолжам да го носам секој ден како што доаѓа“, подолжува Кејт.

Видеото, кое беше снимено во Норфолк минатиот месец, го прикажува семејството како уживаат заедно во шумата и на плажата, играат карти и имаат пикник. Родителите на Кејт, Керол и Мајкл Мидлтон, исто така се снимени како играат игри со семејството.

Можеби највпечатливо, видеото покажува и неверојатно љубовни моменти со Кејт и Вилијам како се гушкаат еден со друг, а Вилијам и ја бакнува сопругата во образ.

A message from Catherine, The Princess of Wales

As the summer comes to an end, I cannot tell you what a relief it is to have finally completed my chemotherapy treatment.

The last nine months have been incredibly tough for us as a family. Life as you know it can change in an… pic.twitter.com/9S1W8sDHUL

— The Prince and Princess of Wales (@KensingtonRoyal) September 9, 2024

Зошто баш таа поза? Експерт открива зошто Вилијам и децата ѝ свртеле грб на Кејт на новата фотографија која таа ја направила