Блогерот за храна од Канада, Гај Хобиека, ја стекнал својата популарност со неговите видеа во кои пробува храна од целиот свет.

Така на ред дошле и ќебапите, сармата и ајварот, кои Гај ги нарекол „српска храна“.

„Мислам дека тоа е мала држава близу Русија“, рекол Гај на почетокот на видеото. Прво пробал ќебапи со лепиња и рекол дека има одличен вкус, оценувајќи ја со 8/10, а потоа пробал и погача со мајонез. „Не обрнувајте внимание, ова е како некој тип на јогурт и вкусно е. 7/10“, рекол Гај.

Потоа на ред дошла и сармата, која ја јадел со кинески стапчиња. Пробал и ајвар, кој според него има вкус на кечап, а посебно му се допаднала „урнебес салата“ која ја оценил со 9.

Видеото собрало преку 700.000 коментари, но на многумина не им се допаднало поради очигледното непознавање на храната и нејзиното потекло.

„Малку познавање на географија не би ти штетело“, „А да направиш основно истражување пред да почнеш да снимаш видеа. Америка е поблиску до Русија, отколку Србија“, „Дали тој кајмакот го нарече мајонез?“, „Не се јаде сарма со стапчиња“, се само некои од коментарите.

@ghobs Replying to @Ilovefoodman ♬ Mrtvo More – Ceca