Играчите на Денвер нагетс на свој паркет ги победија Голден стејт вориорс со резултат 119:115 во натпреварот од НБА лигата и НБА Купот. Српскиот кошаркар Никола Јокиќ го заврши натпреварот со дабл-дабл учинок.

И покрај поразот од Колорадо, тимот на Голден стејт, за разлика од Денвер, ќе игра во четвртфиналето на НБА купот.

Најзаслужен за победата на Нагетс беше српскиот кошаркар Никола Јокиќ, со 38 поени, 10 скока, шест асистенции и пет украдени топки.

Го следеше Мајкл Портер Јуниор со 22 постигнати поени. Арон Гордон постигна 15, а Џамал ​​Мари 12 поени, со осум асистенции.

Кај Вориорс се истакна Стеф Кари со 24 поени и 11 асистенции. Џонатан Куминга додаде 19, а Вигинс, Поџиемски и Муди по 13 поени.