Македонскиот репрезентативец Андреј Јакимовски повторно беше главен играч на Вашингтон Стејт Универзитетот, овојпат во дуелот со Калифорнија.

Популарните „Кугарс“ победија со резултат 65:57 во голема мерка и по заслуга на нашиот млад кошаркар кој беше прогласен и за играч на мечот.

Јакимовски постигна речиси четвртина од поените на неговиот клуб, вкупно 16, со кои беше прв стрелец во тимот и постави личен рекорд оваа сезона. Освен тоа, додаде уште седум скока за да го комплетира одличниот впечаток.

Иако не беше стартер, на теренот остана 30 минути, погоди четири тројки од седум обиди.

За Вашингтон Стејт ова е 10 победа во 17 натпревар оваа сезона во американската НЦАА лига.