Македонецот постигна 12 поени, воедно запиша и седум скокa во победата на Вашингтон стејт против Портланд стејт (69:60).

Андреј Јакимовски продолжи со своите успешни настапи, а неговата екипа има беспрекорен ефект во НЦАА лигата, „пет од пет“.

И во петтиот натпреварот од почетокот на сезоната „Кугарс“ не дозволија изненадување. Беа подобри во текот на целиот натпревар и на крајот го совладаа Портланд стејт.

Јакимовски повторно го собори својот личен рекорд, (имаше три тројки од девет шута), на кои додаде и седум скока, најмногу во својата екипа.

Покрај тоа, беше еден од четворицата со двоцифрен број поени, но имаше и најголема минутажа досега – 34 минути на теренот. Во досегашните пет настапи постигна вкупно 29 поени. Или во просек, речиси по шест на натпревар.

Заедно со Аризона, екипата на Вашингтон стејт е една од двете екипи во „Пацифик 12“ дивизијата со максимален учинок, пет натпревари-пет победи!

Jaki picking up right where he left off#GoCougs pic.twitter.com/yl3k3ivflJ

— WSU Men's Basketball (@WSUCougarMBB) December 13, 2020