Во целиот ужас што се случува во Газа каде според Министерството за здравство на Палестина во Појасот од гранатирањето на израелските сили загинале 15.899 Палестинци на социјалните мрежи се појави видео снимка на која се гледа како израелските војници се смеат додека возат велосипеди земени од палестинските домови.

Israeli soldiers laugh while riding bicycles stolen from Palestinian homes they destroyed in north Gaza. pic.twitter.com/HdWJ1iSPW7

— Quds News Network (@QudsNen) December 4, 2023

Министерството за здравство прецизира дека речиси 70 отсто од загинатите Палестинци се жени и деца (на возраст под 18 години). Податоците не се независно потврдени.

Информациите од властите во енклавата укажуваат дека ранетите од израелските бомбардирања се околу 42 илјади.

Израел започна воена кампања со масовни воздушни напади врз Појасот Газа откако исламистичкото палестинско движење Хамас изврши ненадеен напад на израелска територија на 7 октомври, при што загинаа околу 1.200 Израелци, од кои повеќето цивили.