Својот настап на Медитеранските игри во Оран (Алжир) го имаше и Дарио Ивановски кој во трката на 5000 метри постави нов македонски рекорди.

Нашиот атлетичар во финалната трка на која учествуваа 12 натпреварувачи го освои осмото место со време од 13:54,58 минути.

Ова е уште еден доказ на неговата извонредна форма, од Македонскиот олимписки комитет веруваат дека Олимпискиот стипендист ќе биде уште подобар во периодот кој доаѓа и во кој ќе избори резултат за учество на Летните Олимписки игри во Париз 2024.

Тој водеше на почетокот од трката, но потоа забави со темпото и беше престигнат од останатите конкуренти.

На првите две позиции се најдоа Мароканците Суфијан Букантар и Мохамед Фарес, а третопласиран беше Италијанецот Итало Квацола.