71- годишен маж изврши самоубиство во Милано за време на иселување од неговиот стан. Постариот маж паднал од балконот на својата куќа штом извршителот заѕвонил, објави Милано тудеј.

„Жал ми е, но не можам повеќе да издржам“, напишал тој во кратка порака оставена на масата.

Поради неговата финансиска состојба, тој повеќе не можел да ја покрие киријата.

Волонтерите кои им помагаат на граѓаните со ниски приходи кои се соочуваат со иселување велат дека кризата со домувањето станува сè посериозна низ цела Италија и се жалат дека солидарноста и социјалната чувствителност од минатото исчезнале.

Се забележува дека Милано и неговата поширока област имаат највисоки кирии во цела Италија и речиси е невозможно, особено за постарите лица, да ги покријат трошоците за кирија.