фото: EPA-EFE/DANIEL DAL ZENNARO

ВИДЕО | Интер против Баерн во четвртфиналето на Лигата на шампионите

Фудбалерите на Баерн Минхен по вторпат го совладаа Баер Леверкузен во германскиот дуел од осминафиналето во Лигата на шампионите.

На гостински терен баварскиот гигант беше подобар со 2:0 и со вкупен резултат 5:0 обезбеди пласман во четвртфиналната фаза од натпреварувањето.

Стрелци на головите во триумфот на Баерн беа Кејн во 52 и Дејвис во 71 минута од средбата на БајАрената во Леверкузен.

Интер повторно беше подобар од Феенорд овојпат пред своите навивачи на Џузепе Меаца во Милано со 2:1.

Во текот на првото полувреме италијанскиот претставник поведе во осмата минута преку Тиран, а Холанѓаните израмнија во 42 минута со голот на Модер.

Конечниот епилог го постави Чалханоглу во 51 минута од пенал за вкупни 4:1 за Интер во овој двомеч.

Во четвртфиналето Интер ќе игра против Баерн, а нивните дуели се закажани за 8/9 април и 15/16 април 2025 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот