Интер ја забележа и третата победа во низа од стартот на сезоната во најсилното италијанско фудбалско првенство.

Миланските „нераѕури“ на домашен терен на Џузепе Меаца стадионот со убедливи 4:0 ја совладаа Фиорентина.

Домаќините по првото полувреме водеа со голот на Тирам во 23 минута по асистенцијата на Димарко.

Тирам беше асистент на вториот погодок кој го реализираше Лаутаро Мартинез во 53 минута, а за 3:0 се погрижи Чалханоглу од пенал во 58 минута.

Конечниот епилог беше поставен во 73 минута со вториот гол на Лаутаро Мартинез, а асистенција запиша Куадрадо.

Се одигра уште еден меч во Серија А, Торино пред своите навивачи со голот на српскиот интернационалец Радоњиќ (90+4`) ја совлада Џенова.