Екипата на Интер потешко од очекувањата се најде меѓу четвртфиналистите во фудбалскиот Куп на Италија.

На стадионот „Џузепе Меаца“ миланските „нераѕури“ славеа со 2:1 против Парма по продолженијата.

Гостите водеа со 0:1 од 38 минута, стрелец на голот беше хрватскиот интернационалец Јуриќ.

Израмнија домаќините преку Аргентинецот Мартинез во 88 минута. Конечниот епилог беше поставен во 110 минута кога мрежата на Буфон ја затресе Ачерби.

Во останатите осминафинални мечеви се среќаваат: Милан – Торино, Фиорентина – Сампдориа, Рома – Џенова, Наполи – Кремозене, Аталанта – Специја, Лацио – Болоња и Јувентус – Монца.