Во рамките од квалификациите за пласман на следното Европско фудбалско првенство во Германија 2024, репрезентацијата на Хрватска минимално славеше со 1:0 на гости против Ерменија.

Стрелец на единствениот гол во Ереван беше Андреј Крамариќ во 13 минута од средбата.

Ерменците се обидуваа со сите сили да дојдат до израмнување, но „коцкестите“ на крајот се радуваа на новиот триумф, трет по ред во квалификацискиот циклус.

Хрватите остануваат првопласирани во групата „Д“ со 10 бодови од четири натпревари, додека на втората позиција е Турција која исто така има 10 бодови, но од пет натпревари.

Следува Ерменија со седум од пет натпревари, Велс има четири бодови од четири натпревари, а четири мечеви запиша и Летонија, но и натаму нема ниту еден бод.