ВИДЕО | Холивудскиот актер откри дека се изборил со ракот: Лекарите му предвидуваа уште три години живот
Познатиот холивудски актер Долф Лундгрен (67) се огласи на социјалните мрежи и откри дека неговата битка со ракот е завршена.
Препорачано
Имено, актерот се сними од болничкиот кревет и ја пренесе убавата вест на сцоите следбениц.
„Во ред, тука сум. Ќе влезам и ќе се ослободам од последниот мртов тумор. Без повеќе клетки на рак во моето тело, претпоставувам дека ќе бидам без рак и со нетрпение ја очекувам оваа процедура, правам аблација на белите дробови. Благодарен сум и возбуден за сè што доаѓа. Ви благодарам на сите за поддршката. Тоа беше тешко патување и навистина ме научи да живеам во моментот и да уживам во секој момент од мојот живот“, додал тој.
Долф ја откри својата дијагноза пред обожавателите во мај. Тогаш рече дека првиот тумор бил пронајден во неговиот бубрег пред осум години и потоа успешно бил отстранет. Меѓутоа, во 2020 година, ракот се проширил на неговите бели дробови, ‘рбетот, црниот дроб и стомакот. Прогнозата не била добра, а еден лекар му рекол на Долф дека му остануваат само уште две до три години живот.
„Го прашав колку ми останало, мислам дека рече две или три години, но по гласот можев да забележам дека е помалку. Мислев дека мора да е тоа. Имав одличен живот. Живеев пет животи еднаш, така што не бев огорчен поради тоа“, рекол тогаш Лундгрен.
Потоа побарал дополнително мислење од онколог во медицинскиот центар UCLA. Понатамошните третмани биле ефективни и актерот сега закрепнал.
Да потсетиме, актерот роден во Стокхолм со поранешната сопруга Анет Квиберг има две ќерки Ајда Сигрид (28) и Грета Евелин (23). Сега е во брак со 28-годишната Ема Крокдал.
Во 1985 година, актерот го имаше своето деби со помала улога во „Поглед кон убиството“, филм од серијата филмови за тајниот агент Џејмс Бонд. Сепак, тој направи голем пробив со филмот „Роки 4“, каде глумеше со Силвестер Сталоне.
По неговиот пробив во светот на филмот, тој замина во Лос Анџелес, каде што сними голем број филмови. Од средината на 90-тите неговата кариера е во надолна линија, а новото враќање на големото платно доживеа во 2010 година во филмот „Платеници“, каде глумеше покрај Силвестер Сталоне, Џејсон Статам, Мики Рурк и Џет Ли.
View this post on Instagram
Додека се бори со ракот: Долф Лундгрен се ожени со својата 38 години помлада девојка
