Илјадници демонстранти во грузискиот главен град Тбилиси вечерва одржуваат нов протест, втор ден по ред, против владиниот предлог-закон за „странски агенти“ за кој критичарите велат дека сигнализира авторитарна промена и им штети на изгледите на Грузија за поблиски врски со Европа.

Impressive scene on Rustaveli right now. The extremely large crowd came once again to express their support to Georgia's European future and protest the draft on foreign agents. pic.twitter.com/6wm7K4Tyo3

— Mariam Nikuradze (@mari_nikuradze) March 8, 2023

Парламентот вчера во прво читање го усвои предложениот закон, со кој се бара од сите организации кои добиваат повеќе од 20 отсто од своето финансирање од странство да се регистрираат како „странски агенти“ или ќе се соочат со значителни казни.

Владејачката партија „Грузиски сон“ наведува дека законот е направен по моделот на американското законодавство од 1930-тите години на минатиот век. Критичарите, вклучително и претседателката Саломе Зурабишвили, сметаат дека тоа потсетува на рускиот закон што Кремљ интензивно го користеше за сузбивање на неистомислениците.

Во синоќешните жестоки судири демонстрантите фрлаа бомби со бензин и камења врз полицијата, која, пак, употреби солзавец и водени топови за да ја растера толпата.

This is going to be iconic. #Tbilisi #Georgia pic.twitter.com/6zv7Md5mE2

— (((Tendar))) (@Tendar) March 7, 2023

МВР соопшти дека синоќа беа уапсени 66 лица.

По повод Меѓународниот ден на жената, а воедно и националниот празник на Грузија, протестите продолжија денеска попладне на централната авенија „Руставели“, а потоа илјадници демонстранти се собраа и вечерва пред парламентот, носејќи грузиски знамиња и знамиња на ЕУ и извикувајќи „Не на рускиот закон“.

Women's march against #Russian law!
Rustaveli avenue, #Tbilisi#WomensDay2023 pic.twitter.com/oKya3oxfUX

— Giorgi Gabriadze 🇪🇺🇬🇪🇺🇦 (@GiorgiGab) March 8, 2023

The crowd of pro-EU and pro-Ukraine protesters in front of the Georgian parliament in Tbilisi just continues to grow.

🇬🇪🇺🇦 pic.twitter.com/GOWNbiFVL5

— Visegrád 24 (@visegrad24) March 8, 2023

Прашањето го продлабочи јазот меѓу владејачката партија „Грузиски сон“ и проевропската претседателка Зурабишвили, која се огради од партијата откако беше избрана со нејзина поддршка во 2018 година.

Таа ги поддржа демонстрантите, изјавувајќи синоќа дека пратениците кои гласаа за законот го прекршиле Уставот. Таа, исто така, вети дека ќе стави вето на нацрт-законот ако стигне до нејзиното биро, иако парламентот може да го отфрли нејзиното вето за да ги донесе нацрт-законите.

Критичарите велат дека „Грузискиот сон“ е премногу близок до Русија и дека во последните неколку години земјата ја одвел во порепресивен правец. Грузиското општество е силно анти-московски настроено по годините конфликт околу статусот на двата отцепени региони поддржани од Русија, кои избувнаа во кратка војна во 2008 година.

Инаку Грузиски пратеници пред два дена со тупаници и клоци ги решаваа недоразбирањата во парламентот за време на расправата на парламентарната комисија за законот за регулирање на „странските агенти“, за кој критичарите велат дека е направен по модел на руски закон.

Претседателот на „Грузискиот сон“ Иракли Кобахидзе и денеска повторно застана зад нацрт-законот, изјавувајќи дека тој ќе помогне да се искоренат оние кои работат против интересите на земјата и моќната Грузиска православна црква.

Тој ја критикуваше грузиската „радикална опозиција“ за поттикнување на демонстрантите на „насилства без преседан“ за време на синоќешните собири, јавија грузиските медиуми.

Неколку претставници на ЕУ, исто така, изразија загриженост за законот.

„Прифаќањето на овој закон за ’странско влијание’ не е компатибилно со патот кон ЕУ, што го сака мнозинството во Грузија“, напиша денеска на Твитер претседателот на Европскиот совет, Шарл Мишел.

Минатата година Брисел ги отфрли обидите на Тбилиси да стане земја кандидат за членство во ЕУ, соопштувајќи дека треба да ги забрза реформите во областите – владеење на правото, слобода на медиумите и независноста на судството.