Актуелните НБА шампиони израмнија на 1:1 во плеј-оф серијата од полуфиналето во Западната конференција откако славеа против Лос Анџелес лејкерс со 127:100.

Прво име во редовите на Голден Стејт беше Клеј Томпсон со 30 поени (осум „тројки“ од 11 обиди), Стеф Кари имаше 20 поени и 12 асистенции, Џамајкл Грин запиша 15 поени, а на Дрејмонд Грин му недостасуваше една асистенција за „трипл-дабл“ (11 поени, 11 скока, девет асистенции).

Лејкерси го отворија натпреварот со одлично шутирање, Леброн Џејмс ги погоди првите две тројки и постигна 14 поени во првата четвртина со што го доведе тимот на седум поени предност. И тука како да застанаа „езерџиите“. Голден Стејт постигна 41 поен во втората четвртина, а дури 43 во својата препознатлива трета и во последниот период влезе со огромни „плус 30“.

Џејмс кај поразените беше најефикасен со 23 поени (седум скока), следен од Јапонецот Руи Хачимура со 21 поен и пет скока. На овој меч Ентони Дејвис се истакна со 11 поени, седум скока и четири асистенции.

Серијата сега се сели во Лос Анџелес, каде ќе се играат третиот и четвртиот натпревар.