Се чини дека појавувањето на модната писта стана семејна традиција за семејството Бекам. Иако Викторија сега се појавува на пистата само на крајот од ревијата за срамежливо да добие аплауз, пред 20 години таа самоуверено прошета во сатенски шорцови за дизајнерката Марија Грачвогел.

Љубовта кон модната писта очигледно е пренесена и на новата генерација.

Традицијата ја продолжи најстариот син Бруклин, кој учествуваше на ревијата на „Вог“ во Њујорк во 2022 година со сопругата Никола Пелц Бекам. Сепак, се чини дека средниот син, Ромео, најсериозно зачекори во модните води и е подготвен да стане лице кое често ќе го гледаме на светските модни писти.

Деби на Лондонската недела на модата

Ромео зачекори на пистата на отворањето на Лондонската недела на модата, каде што прошета по пистата за „Ејч енд ем“ (H&M). Тој на пистата им се придружи на ѕвездите од новата генерација како Лила Мос, Палома Елсесер и Алекс Консани. Облечен во кожна јакна-бомбер и панталони, Бекам продолжи со низа успешни ангажмани откако веќе прошета по пистите за Баленсијага и Версаче.

Посветен на манекенството

23-годишниот Ромео се обиде во фудбалот како тинејџер, играјќи во младинските редови на Арсенал, потоа за американскиот тим Форт Лодердејл ЦФ (сега Интер Мајами) и беше позајмен во Брентфорд. Играше главно како напаѓач, но во јануари 2024 година одлучи да ја заврши својата професионална фудбалска кариера.

Денес, тој сè повеќе е посветен на манекенството. Веќе беше лице на детската колекција на Бурбери, а подоцна се појави на модните писти за време на модните недели во Милано и Лондон.

Дали Харпер е следна?

Со оглед на тоа што нејзините браќа веќе одлично се снаоѓаат во светот модата, прашањето е дали најмладиот член на семејството Бекам, 14-годишната Харпер, ќе ги следи нивните стапки. Доколку одлучи да се појави на модната писта, многумина се обложуваат дека нејзината мајка Викторија ќе биде таа што ќе го има нејзиното деби.