Во рамките од 33 коло во втората швајцарска фудбалска лига составот на Шафхаузен дома со 4:1 го совлада Криенс.

Македонскиот интернационалец Никола Ѓорѓев придонесе во важниот триумф со два голови реализирани во 39 минута за 1:0 и во 48 минута за 3:0.

Сега неговиот учинок е три постигнати голови (од 13 настапи), а еден погодок имаше во март во победата над Ивердон Спорт.

До крајот на сезоната остануваат уште три кола, моментно на првото место кое води директно во најдобрата швајцарска лига е Шафхаузен со 59 бодови, исто толку има и Арау на втората позиција, а третопласиран е Винтертур со 58.

Во следното коло екипата на нашиот играч на 10 мај ќе му гостува на Тун. Головите на Ѓорѓев можете да ги погледнете на следниот линк ТУКА