Фудбалерите на Феенорд остварија убедлив триумф од 2:5 на гостувањето во Белград кај Партизан во првиот осминафинален натпревар од Лигата на конференции.

„Црно-белите“ во два наврати имаа водство (1:0 и 2:1) но на крајот холандскиот тим постигна дури пет гола и реваншот во Ротердам се очекува да претставува формалност.

Натхо во 13 минута му донесе предност на Партизан, но само седум минути подоцна Торнстра го израмни резултатот и првиот дел заврши 1:1.

На стартот од второто полувреме, Јову погоди за 2:1 за Партизан, но тоа беше се што сторија „црно-белите“. Десерс, Гертруида, Синистера и Торстра ги искористија грешките на одраната на Партизан и му донесоа триумф на Феенорд од 2:5.

Рома славеше со минимални 0:1 на гостувањето во Холандија кај Витесе и направи голем исчекор кон пласманот во четвртфиналето. Стрелец на единствениот гол беше Оливеира во 45 минута.

Минимален триумф, но на домашен терен оствари ПАОК во дуелот со Гент, додека Славија Прага со 4:1 го победи Ласк Линц.