Од 4 до 11 март се одржува „Мелодифестивален“, 63-то издание на шведскиот музички натпревар кој го избира претставникот на Шведска на Евровизија. Синоќа се емитуваше четвртиот круг од натпреварувањето, а фаворит за победа на „Мелодифестивален“ е Лорин со песната „Tattoo“.

Штом се дозна дека Лорин се натпреварува на „Мелодифестивален“, Шведска скокна на евровизиските обложувалници, иако нивниот претставник се уште не беше објавен. Во моментот се први на обложувалниците и ги прескокнаа Украинците кои долго време беа во самиот врв.

sorry but everything about loreen’s tattoo since we got the snippet in the morning and now the rehearsal photos is making me feel like we’re following the first double winner of the modern eurovision in the making…..like i just FEEL ITpic.twitter.com/qTSROBuLzq

— max ?????? (@m2003esc) February 23, 2023

Заедно со Лорен за победа на фестивалот се борат и музичкиот ансамбл „Smash Into Pieces“, Mariette, Kiana, Signe & Hjördis, Emil Henrohn и Axel Schylström. Сепак, имајќи предвид дека Лорин веќе ја претставуваше Шведска на Евровизија со „Euphoria“ и победи на „Песна на Евровизија“ 2012 година во Баку, јасно е зошто сите анкети се наклонети кон неа.

Поради нејзиниот можен настап на Евросонг, најмногу се воодушевени обожавателите на тоа натпреварување. Твитер собра еден куп објави за Лорин во последните 24 часа.

„Ако не ја испратиме Лорин, ние сме идиоти“, „Треба да направиме петиција Лорин оваа година да ја освои титулата божица на Евросонг“, „Откако излезе клипот од нејзината песна, мислам дека ќе го гледаме првиот двоен победник на модерната Евровизија“, „Ја обожавам песната“, „Победничка на Евровизија 2023“, се некои од твитовите на воодушевените обожаватели на Евросонг.

Останува да видиме дали Лорин навистина ќе го освои „Мелодифестивалн“ и ќе ја претставува Шведска во Ливерпул, Британија, или возбудата се должи на нејзината стара евровизиска слава и големата победа со песната „Euphoria“.

ФОТО | Еуфорично: Легендарната Лорин сака повторно да се врати на Евровизија

ВИДЕО | Евровизиските фанови во транс: Француската песна е апсолутен фаворит за победа

Спектакл во најава: Ова се водителите на годинашната Евровизија во Велика Британија