Денеска во 24 коло од најсилното српско првенство фудбалерите на Црвена звезда ремизираа во дербито против Партизан со 3:3.

После првото полувреме водеше Партизан со погодокот на Ибрахим во осмата минута од средбата на стадионот „Рајко Митиќ“ во Белград.

Само што стартуваше вториот дел белградските „црвено-белите“ израмнија преку Ндиаје (46`).

Пет минути подоцна Црвена звезда дојде и до вториот гол на мечот, а повторно стреелц беше Ндиаје.

Партизан успеа во 59 минута да донесе ново израмнување на овој дуел преку Ковак, а во 62 минута Црвена звезда дојде до нова предност благодарение на голот на Иваниќ.

Партизан успеа во самиот финиш од средбата, поточно во судиското надополнување (90+5`) да го избегне поразот преку Николиќ кој беше прецизен од пенал.

На табелата води Црвена звезда со 68 бодови, далеку пред второпласираниот Партизан кој има 47.