Во првиот натпревар од полуфиналето во Лигата на шампионите на стадионот „Сантјаго Бернабеу“ ремизираа екипите на Реал Мадрид и Манчестер сити со резултат 1:1.

По првото полувреме водеа „кралевите“ со прекрасниот погодок на Винисиус Жуниор во 36 минута по асистенцијата на Камавинга.

„Граѓаните“ одговорија во вториот дел, поточно во 67 минута преку Кевин Де Брујне кој исто така реализираше убав гол, асистент беше Гундоган.

Реваншот на стадионот „Етихад“ во Манчестер ќе се игра на 17 мај.

В среда е закажан првиот меч од второто полуфинале во италијанската пресметка помеѓу Милан и Интер (21.00 часот).