фото: EPA-EFE/ALLISON DINNER

ВИДЕО | Ентони Дејвис во последните секунди му донесе триумф на Далас

Не беше лесно за Далас оваа пролет, но тимот ја одржува надежта за пласман во плејофот во НБА лигата. Во меч кој се решаваше во последниот напад, кошаркарите на Маверикс победија против Атланта со 120:118.

Ентони Дејвис на синоќешниот дуел го имаше најдоброто издание откако го облече дресот на Далас. Постигна 34 поени, 15 скока и пет блокади, но она што најмногу ќе се памети е неговиот победнички кош на три секунди до крајот на натпреварот.

Математички е невозможно Маверикс да се пласираат во првите шест екипи во Западната конференција, но оваа победа многу им помогна во одржувањето на плеј-ин позицијата.

Тимот моментно е деветти на табелата со учинок 38-39, а имаат само две победи повеќе од Сакраменто на 10. позиција и три повеќе од Феникс на 11. место. Од друга страна, Атланта е во слична ситуација како Далас, на Истокот има учинок од 36-40 што е доволно добро за осмата позиција.

НБА лига, резултати:

Кливленд – Њујорк 124:105
Индијана – Шарлот 119:105
Вашингтон – Сакраменто 116:111
Бостон – Мајами 103:124
Хјустон – Јута 143:105
Далас – Атланта 120:118
Денвер – Сан Антонио 106:113
Оклахома – Детроит 119:113
ЛА Клиперс – Њу Орлеанс 114:98

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот