Холивудскиот Џон Малкович вчера ја одигра претставата „Пеколна комедија: Исповеди на сериски убиец“, во рамки на годинашното издание на „Охридско лето“, а денеска беше во посета на Скопје, каде во негова чест беше организирана бизнис-уметничка вечера.

Веста дека постои идеја, односно проект за градење филмски студија во Скопје беше вистинско пријатно изненадување за македонската јавност минатата година. На денешната прес-конференција, Малкович побара поддршка за реализација на проектот пред македонските новинари.

„Ќе ги отвориме вратите за нови можности, привлекувајќи нови странски инвестиции на Балканот, од Запад и пошироко. Овој проект не само што ќе ја поттикне економијата, туку и ќе го насочи меѓународното внимание на извонредниот талент што се наоѓа во оваа земја. Сите ја споделуваме визијата за поставување на Северна Македонија на глобалната сцена на филмската и музичката индустрија, покажувајќи ја нејзината убавина, талент и потенцијал. Овој напорен проект е доказ за вербата во истрајноста – и дека со работа рака под рака… заедно ќе создадеме нова економска иднина за регионот, рече Џон Малкович, а пренесе „Телма“.

ФОТО | Џон Малкович ја праша публиката на „Охридско лето“: Кога последен пат сте воделе љубов и сте уживале?